МАЖ ИМАЛ КОРОНА ПОВЕЌЕ ОД 400 ДЕНА: Научниците објаснуваат зошто

Пандемијата трае веќе години, а некои луѓе и понатаму се соочуваат со нејзиниот најголем товар, многу повеќе од останатите: земји кои немаат вакцини, здрватвени работници кои се грижат за здравјето на луѓето, проблеми во економијата и луѓе со ослабен имунитет кои се изложени на поголем ризик од зараза со коронавирус кои мора да внимаваат.

Лицата со ослабен имун систем поради болест или медицински третмани, како што е хемотерапијата, исто така се поподложни на развој на инфекции кои траат со месеци, а за тоа време вирусот може да развие нови мутации.

Ризикот за сите нас е дека колку подолго е потребно да се искорени вирусот, ттоа дава повеќе време за појава на нови варијанти на КОВИД-19.

Тим истражувачи од Велика Британија опишал низа хронични инфекции со коронавирус, вклучително и маж кој бил заразен повеќе од 400 дена. Тој конечно бил негативен откако генетското секвенционирање открило каков сој на вирус имла – и каков третман на лекување му е потребен.

Тимот го предводел специјалистот за заразни болести Лук Благдон Снел, а ја истражувал трајни инфекции кај имунокомпромитирани луѓе, обидувајќи се да разбере кои мутации се појавуваат и дали се развиваат нови варијанти со текот на времето.

Овој извештај опишува случај на 59-годишен маж кој првпат заболел од КОВИД-19 во декември 2020 година. Геномското секвенционирање покажало дека носи ран сој на вирусот кој во тоа време бил распространет во Обединетото Кралство.

“Кога го погледнавме неговиот вирус, тоа беше нешто што постоеше многу одамна – многу пред омикрон, долго пред делта, па дури и пред алфа. Значи, тоа беше една од оние постарите, рани варијанти од почетокот на пандемијата“, вели проф. Благдон Снел.

Овие хронични инфекции со коронавирус се разликуваат од долготрајниот  КОВИД, каде што вознемирувачката мешавина на симптоми трае долго откако акутните инфекции ќе се повлечат од причини што научниците сè уште се обидуваат да ги разберат.

За време на пандемијата, геномското секвенционирање се користи за да се следи потеклото на појавата на КОВИД-19, да се отплеткаат испреплетените лози на вирусот и да се откријат нови варијанти.

Во овој извештај, проф. Благдон Снел и колегите опишуваат како ги користат резултатите од геномското секвенционирање, доставени во рок од 24 часа, за да го прилагодат лекувањто за луѓето со перзистентни инфекции со КОВИД-19 и на крајот да ги ослободат нивните тела од вирусот.

Извештајот опишува шест случаи, вклучувајќи го и оној на 59-годишниот пациент.

Со ослабен имун систем по трансплантација на бубрег, телото на мажот не можело да се исчисти од вирусот и со само благи и повремени симптоми, тој немал право на лекување што се користи за превенција или лекување на тешки случаи на КОВИД-19.

Бил позитивен во февруари 2021 година и повторно во јануари 2022 година, секој пат со истата варијанта на вирусот: B.1.177.18. Со текот на времето, во вирусот се појавил збир на мутации со брзина која се очекува кај SARS-CoV-2, така што тука нема ништо необично, само ја нагласува склоноста на вирусот да ја менува формата.

Иако истражувачите мислат дека овие случаи на хронични инфекции се ретки, тие се тешки за лекување бидејќи постојаното појавување на нови варијанти ги направи терапиите со неутрализирачки антитела неефикасни.

Откако истражувачите дознале дека човекот има хронична инфекција, тој добил третман со комбинација на моноклонални антитела ефикасен против раните соеви, која конечно го ослободила од вирусот, 411 дена откако му бил првпат дијагностициран.

“Некои луѓе со ослабен имун систем сè уште се во опасност од тешка болест и трајни инфекции. Сè уште работиме да го разбереме најдобриот начин да ги заштитиме и третираме“, вели проф. Снел.

Истражувањето е објавено во списанието Clinical Infectious Diseases.