МАЖ СТЕ И ИМАТЕ НАД 50 ГОДИНИ? Проверете дали ви се заканува некоја од овие 4 болести на срцето

Некои срцеви болести и до 10 години порано во животот му се случуваат на мажот, отколку на жената.

Болестите на срцето и заболувањата кои се појавуваат поради нив, често се сметале за “машки“ проблем. Благодарение на бројни истражувања, сега знаеме дека болестите на срцето и последиците се водечка причина за смрт меѓу жените, исто така. Експертите велат дека сепак нешто почесто ги “напаѓаат“ мажите. Некои срцеви болести и до 10 години порано во животот му се случуваат на мажот, отколку на жената.

Жените, сепак, честопати повеќе страдаат по болеста, а често поради погрешна дијагноза.

“Жените често доживуваат срцеви заболувања на поинаков начин во споредба со мажите, а тоа е докажано до денес со последиците од болестите“, се наведува во стручното списание Journal of Public Health.  Реалноста е дека постои причина за загриженост кај двата пола кога се во прашање болестите на срцето, но бидејќи болестите најчесто се јавува кај мажите, оние над 50 години треба да одат на редовни прегледи. Еве на кои состојби треба да се обрне посебно внимание.

СРЦЕВ УДАР

Секој може да доживее срцев удар и секој треба да знае како да ги препознае симптомите. Студија објавена во 2016 година открива дека срцевиот удар ќе се случи двапати почесто кај мажите отколку кај жените, дури и откако ќе се идентификуваат ризик факторите како што се висок холестерол, пушење цигари, хипертензија, обезност, дијабетес и седечки начин на живот.

“Оваа разлика постои во текот на целиот живот, но сепак се случуваат некои разлики. Така, мажите имаат два пати поголеми шанси да добијат миокарден инфаркт, ако се споредат податоците со состојбата кај жените, а оваа разлика не може да се објасни со разликата во нивото на други коронарни болести“, наведуваат авторите на истражувањето.  Сепак, Американското здружение за срце наведува дека по срцев удар, кај жените побрзо ќе дојде до застој ан срцето во рок од 5 години.

АНЕВРИЗМА НА АБДОМИНАЛНА АОРТНА

До оваа состојба доаѓа кога аортата, преку која срцето пумпа крв низ целото тело, ќе напукне или ќе дојде до проширување. Аортните аневризми се првенствено резултат на артериосклероза, која го ослабува ѕидот на аортата до тој степен што притисокот, кој е висок во аортата, го притиска ослабениот дел од ѕидот и создава испакнување нанадвор, како балон. Во аневризмата често се формира згрутчување кое може да се шири долж внатрешниот ѕид. Оваа состојба најчесто се јавува кај мажите, наведуваат лекарите од Клиниката Кливленд. Експертите велат дека е во прашање водечка причина за смрт кај мажите постари од 55 години.

ЗАСТОЈ НА СРЦЕТО

во текот на срцевиот застој, срцето престанува ефикасно да пумпа крв. Застојот обично се јавува поради тешкотии во преносот на електрични сигнали до срцето. Како резултат на тоа, многу потребниот кислород престанува да стигнува до мозокот, што предизвикува жртвата да ја изгуби свеста, а тешкотиите со дишењето може да се движат од тоа да лицето тешко диши до целосно прекинување на дишењето.

МОЗОЧЕН УДАР

Мозочниот удар е ненадејно невролошко нарушување предизвикано од нарушување на циркулацијата во мозокот што доведува до недоволно снабдување со кислород и хранливи материи во одредени делови од мозокот. Кардиоваскуларните заболувања вклучуваат и цереброваскуларни заболувања, како што е мозочниот удар. Студија од пред 10 години, спроведена од Американското здружение за срце, прегледала 98 трудови за факторите на ризик за мозочен удар кај мажите и жените, и се чини дека и него мажите ќе го доживеат порано во животот од жените. Кај мажите мозочниот удар најчесто се јавува на возраст од 68,8 години, а кај жените кога ќе наполнат 73 години.