Одредени гени, запишани во машките хромозоми може да го зголемат ризикот од болести на срцето за 50 проценти!
Досега хормонот естроген се обвинувал за машката склоност на развивање на болести на срцето (во однос на жените), но британски научници понудија нова причина. Имено, тие утврдиле дека некои мажи може да наследат зголемен ризик од болести на срцето непосредно од својот татко.
Ова е важно откритите во светот на генетиката, бидејќи ги поврзува срцевите болести и машкиот хромозом (Y).
Истражувачи на Одделот за болести на крвта во Лондон докажале дека мажите кои развиле болести на срцето, а нивните татковци имале кардиолошки заболувања биле изложени на 50 % поголем ризик, од оние кои немале таква семејна историја. Ризикот останал висок дури и кога биле земени предвид и другите ризик фактори за болести на срцето, како хипертензија, зголемен холестерол, пушење, дијабетес или дебелина.
