Мажите пушачи кои пијат прекумерни дози витамин Б6 и Б12 ризикуваат да заболат од рак на бели дробови

Најголемиот ризик, покажале истражувањата, имаат лицата кои прекумерно внесуваат витамини Б12 и Б6 и при тоа се пушачи.

Витамините од групата Б се едни од најпопуларните додатоци на исхраната. Но во неодамнешно истражување е откриено дека мажите кои консумираат високи дози на витамините Б6 и Б12 имаат значително поголем ризик за развој на карцином на белите дробови, особено ако пушат.

Ризикот е дополнително зголемен кај пушачи кои внесуваат повеќе од 20 мг витамин Б6 или 55 микрограми витамин Б12 дневно во период од 10 години.

Испитаниците кои земале Б6 во оваа доза имаат за три пати поголем ризик да развијат рак на белите дробови, а оние кои земале Б12 во споменатите дози имале за четири пати поголема веројатност за развој на оваа болест.

Ова е прва студија која детално ја истражила поврзаноста на долготрајната употреба на високи дози на витамините Б6 и Б12 со ризикот од рак на бели дробови, а во неа биле вклучени 77 000 лица.

Она што го прави интересно ова истражување е фактот дека досега се сметало дека томку овие витамини го намалуваат ризикот за појава на карцином.