Иако повеќето луѓе веруваат дека консумацијата на алкохолни пијалаци може да не загрее, сепак алкохолот нема таков ефект. Иако можеби се чувствувате потопло по чаша алкохолен пијалак, на овој начин всушност ја намалувате телесната температура. Постојат три причини зошто треба да го прескокнете алкохолот следниот пат кога ќе ви биде студено.
Крвоток
Кога ви е ладно, вашата телесна температура опаѓа. За телото да ја подигне базалната телесна температура крвта најчесто се насочува кон „внатре“, односно кон вашите органи, на кои топлината им е најпотребна. Сепак, за време на консумацијата на алкохол, крвните садови се шират, а циркулацијата се насочува кон „надвор“. Оваа струја на топла крв ги активира нервите во близина на вашата кожа, поради што привремено ви изгледа како да сте се загреале. Но тоа, исто така, значи дека природниот процес со кој вашето тело се обидува да остане топло, сосема се извртел и вашите органи не ја добиваат потребната топлина.
Потењето е неизбежно, а кога тоа се случува при ниски зимски температури доаѓа до губење наместо до одржување на телесната температура
Потење
Ширењето на крвните садови, исто така, се јавува при физичка активност, а тогаш со чувството на топлина, се јавува и потење. Потењето е природен начин со кој организмот се ослободува од топлината за да се разлади, но вашето тело всушност не знае што го предизвикува ширењето на крвните садови. Затоа потењето е неизбежно, а кога тоа се случува при ниски зимски температури доаѓа до губење наместо до одржување на телесната температура.
Треперење
Се чини, дека алкохолот го спречува треперењето – појава која се јавува кога нашиот мозок ќе препознае дека ни е ладно. Мозокот тогаш испраќа порака до мускулите кои почнуваат да работат побрзо за да му помогнат на телото да се загрее. Меѓутоа, пиењето алкохол ќе ги смени овие природни рефлекси.
