Митови за целулитот

Целулит -   проблем кој ги мачи сите жените во светот. Проблем од чие решавање годишно се заработува 750 милиони долари. Проблем кој апсолутно никого не го остава рамнодушен.

Слабите луѓе немаат целулит. Целулитот е предизвикан од масните клетки под кожата, кои го притискаат сврзното ткиво и создаваат ефект на кора од портокал. Дали ќе имате или немате целулит, зависи од бројни фактори, а меѓу другото и од генетиката, која одредува со колку масни клетки се раѓате, како и колку ви е дебела кожата. Кај луѓето со потенка кожа, целулитот може да биде присутен, но нема многу да се забележува. Зголемената телесна тежина може да ја влоши состојбата во смисол да биде позабележителна но тоа не значи дека слабите луѓе не се борат со овој проблем.

Мажите немаат целулит. Сите имаат целулит, независно од полот. Факт е дека кај машката популација е многу помалку присутен отколку кај жените, но и тие го имаат. Околу 5% мажи и 90% од жените имаат целулит. Жените се поподложни бидејќи имаат многу повеќе масни клетки и потенка кожа.

Со вежбање ќе го разбиете целулитот. Само со вежбање нема да го победите целулитот. Но, вежбањето, во комбинација со правилна исхрана, може и тоа како да помогне. Најдобра комбинација е храна богата со калциум и напорни комплексни вежби, кои ќе ја подобрат циркулацијата и ќе го ослободат организмот од токсини.

Ако ослабете, ќе го решите проблемот со целулит. Губењето телесна тежина не е решение за целулитот. Кога губите на тежина, се намалува притисокот на масното, врз сврзното ткиво и се намалуваат течностите во организмот, што може да помогне целулитот да биде помалку видлив, но нема да се реши проблемот. Проблемот е уште поголем ако слабеете со разни диети. Во тој случај килограмите ќе варираат, па кога повторно ќе добиете на тежина, масните клетки ќе се шират и стегаат, поради што целулитот ќе изгледа многу полошо. Ако сакате да се ослободите од целулитот, оставете ги диетите и почнете правилна исхрана.

Избегнување на нездрава храна и многу вода ќе го решат проблемот. Откажувањето од нездрава храна секако нема да одмогне, но само тоа нема да помогне. Исхраната мора да се состои од многу коренест зеленчук, житарки, риба и мешунки, како и храна богата со калциум. Калциумот ја стега кожата, па целулитот ќе биде помалку забележителен, како и заради хидратацијата, но нема да направи целулитот да исчезне.

Скапите третмани ќе направат чудо. Без оглед колку пари може да потрошите, од целулитот нема да се ослободите. Може да се намали, но нема и да исчезне. Освен тоа, третманите како липосукција и ласер, со себе носат бројни ризици и несакани последици, па не се препорачливи.