Пред да почнете да пиете било каков лек, поразговарајте со лекар за работите кои треба да ги избегнувате.
- Грејпфрут
Ова цитрусно овошје влијае на тоа како клетките во дигестивниот систем ја пренесуваат супстанцата низ телото, а може да влијае на 50 различни лекови. Дејството на одредени лекови може и да го поништи.
- Млеко
Млечните производи може да му отежнат на организмот да процесуира одреден антибиотик. Минералите како калциум и магнезиум носат дел од одговорноста. Ако пиете антибиотици, информирајте се дали постојат одредени намирници или напивки кои не смеете да ги консумирате.
- Чоколадо
Темното чоколадо е една од намирниците која може да влијае на дејството на таблетите кои се наменети за полесен сон. Исто така го засилуваат дејството на некои лекови за стимулација.
- Додатоци на исхрана со железо
Тие можат да го намалат ефектот на лекот кој се користи за лекување на недостаток на хормони на штитната жлезда.
- Алкохол
Тој го поништува дејството на одредени лекови, а на таа листа се наоѓаат и оние за крвен притисок и за срце. Истовремено може да го засили дејството на некои лекови или да предизвика нуспојави.
- Кафе
Може да го намали дејството на антипсихотиците, или пак да го зголеми ефектот на препаратите кои содржат ацетилсалицилна киселина.
- Витамин К
Доколку земате лекови кои спречуваат настанување на крвни згрутчувања, повнимавајте на тоа колку витамин К внесувате. Може да го направи лекови помалку ефикасен и така да се зголеми ризикот од крвни згрутчувања. Брокулата, кељот, магдоносот и спанаќот се едни од најпознататите намирници кои содржат висок процент на овој витамин.
- Не ги пиете лековите како што ви препишал лекарот
Околу 50 проценти од лековите не се земаат како што е пропишано, па лицето ги пие кога ќе се сети, што може да го намали дејството. Внимавајте што пишува на пакувањето и што ви кажал лекарот.
