Речиси половина од луѓето со позитивен резултат од тестот на столицата за окултно крварење не добиваат потенцијално спасоносна колоноскопија, покажуваат резултатите од нова студија која ги анализирала податоците од 32.769 луѓе на возраст од 50 до 75 години.
Севкупно гледајќи, само 56% од луѓето закажале контролни колоноскопии во рок од 1 година. Лекарите велат дека перцепираната непријатност од процедурата можеби играла улога во одлуките на нивните пациенти.
Колоноскопијата открива колоректален карцином и потенцијално преканцерозни полипи. Постапката најчесто се изведува амбулантски, трае околу еден час и бара прилагодување на исхраната и претходно земање лаксативи.
Инаку, луѓето треба да започнат со колоректален скрининг на 45-годишна возраст. Тестовите на столицата за окултно крварење се прецизни од 71% до 92%, во зависност од видот на испитувањето. Раното откривање на ракот на дебелото црево е важно, бидејќи кога ракот на дебелото црево е рано откриен, 90% од луѓето живеат уште најмалку 5 години.
Извор: JAMA Network Open
