Депресијата е се почеста болест на современиот човек без оглед на годините, а во третата доба често е непрепознаена, маскирана со „старечка мрзоволност“, намалени интересирања и загриженост заради во таа доба веќе напреднатите хронични болести. Токму заради тие хронични заболувања постарите често со терапијата, да речеме, за големен крвен притисок или ревматски болести пијат и седативи кои делуваат на опуштање на мускулите, а тие, предупредуваат, лекарите водат до уште поголема потиштеност. Со едноставен тест, одговарајќи на следните 15 прашања, може да проверите дали сте во опасност од депресија и дали некои од симптомите кои ги имате евентуално се знак за ова пореметување.
- Дали сте задоволни со својот живот?
- Дали сте го намалиле бројот на активности и интересирања?
- Се чувствувате ли како животот да не ви е исполнет?
- Дали често ви е здодевно?
- Дали претежно сте добро расположени?
- Се плашите ли дека нешто лошо ќе ви се случи?
- Дали сте среќни?
- Дали често се чувствувате беспомошно?
- Дали повеќе сакате да сте дома отколку да излезете и да најдете нови активности?
- Сметате ли дека вашите проблеми со памтењето се поголеми отколку кај другите?
- Сметате ли дека моментално животот ви е убав?
- Дали сте се чувствувале безвредно?
- Имате ли чувство дека сте полни со енергија без оглед на годините?
- Дали сте се (по)чувствувале како да сте во безизлезна ситуација?
- Сметате ли дека на другите им е подобро од вам?
УПАТСТВО:
- Одговор НЕ во прашањата 1, 5, 7, 11 и 13 се бодува со по еден поен.
- Одговор ДА во прашањата 2, 3, 4, 6, 8, 9, 10, 12, 14 и 15 се бодува со по еден поен.
РЕЗУЛТАТИ:
- 0-5 бодови – нема знаци на депресија;
- 6-9 бодови – постојат помали знаци кои упатуваат на депpесија;
- 10 и повеќе бодови – постоење на големи знаци на депресија.
- Доколку имате 6 или повеќе бодови би било добро да побарате совет од лекар.
