Многумина тоалетната даска ја покриваат со хартија во јавен тоалет, како би се заштитиле од вируси, бактерии и останати нечистотии, но таа тенка хартија не штити…
Зошто користиме хартиена заштита на тоалетната даска?
Некогаш се верувало дека овие даски се сигурен начин за пренос на гастроентеролошки и полови инфекции. Но, според сите докази не постои причина за паника, оти тие тоа не се, па може да се заклучи дека хартијата која стои во јавните тоалети служи само за да луѓето се чувствуваат посигурни.
Може ли да се разболите ако сте седнале на даска?
“ВЦ даските не се најлесниот пат за пренос на било какви инфекции, така што причина за страв нема“, нагласува д-р Вилијам Шафнер, професор по превентивна медицина на Универзитетот Вандербилт.
Повеќето бактерии кои се наоѓаат на даските се обични микроби, кои повеќето луѓе и онака ги имаат, па не претставуваат ризик. Добро е да се знае дека секој пат кога ќе пуштите вода во тоалетот, бактериите се распрснуваат во воздухот, а може да “патуваат“ и до неколку метри!
“Хартијата со која се покриваат тоалетните даски се тенки, пропусни за сите бактерии и вируси, така што нема да ве заштити“, напоменува Кели Рејнолдс, стручњак за истражување на јавното здравје
Може ли коронавирусот да се пренесе преку тоалетната даска?
Мали се шансите тоа да се случи. Дијареата не е вообичаен симптом на КОВИД-19, ниту е познато дека може да се пренесе на овој начин. Може да дојде до зараза ако ја допирате даската, а потоа со рацете ја фаќате устата, а претходно не сте ги измиле рацете. Но, како што останува уште многу нешта да се научат за овој вирус, повторуваме дека е важно добро и често да се мијат рацете по контакт со било каков објект кој го користат и други луѓе.
