Мозочните удари не се закана само за повозрасните, 10 проценти од луѓето под 50 години се подложни на овој ризик 

Лекарите советуваат дека е исклучително важно секој да знае рано да ги препознава симптомите и факторите на ризик кои влијаат на добивање мозочен удар и кои можат да помогнат да се спречат фаталните последици.

Промената која настанува после доживеан мозочен удар е огромна, како за животот на пациентот, така и за неговото семејство. Човекот од активен и разумен за многу кратко време станува зависе од помошта на семејството или медицинските лица и неспособен за работа, што е исклучително тешка ситуација за пациентите и нивните семејства. Заради тоа, лекарите советуваат дека е исклучително важно секој да знае рано да ги препознава симптомите и факторите на ризик кои влијаат на добивање мозочен удар и кои можат да помогнат да се спречат фаталните последици.

Според статистиката третина од пациентите кои преживеале мозочен удар се опоравуваат, третина остануваат со одредено ниво на инвалидност, додека третина не го преживуваат ударот.

За помладите, во кои се сметаат луѓето под 50 години, ова би значело дека повеќето од нив никогаш не би го остварувариле својот целосен потенцијал, и би биле делумно или целосно зависни од семејството и здравствената заштита.

Првиот и најважен чекор во превенцијата на мозочен удар на помлада возраст е идентификацијата на пациентите со зголемен ризик за мозочен удар

Вториот најважен чекор е обуката на пациентите за факторите на ризик

Третиот чекор би бил избегннување на факторите на ризик, што многу зависи од волјата на пациентот

Лекарите предупредуваат дека 10 проценти од луѓето под 50 години се подложни на ризик за добивање мозочен удар. За мозочен удар на помлада возраст, најчесто има некои предиспонирачки фактор што ја зголемува веројатноста за појава на ударот, а тоа се обично тие кои влијаат на механизмите на згрутчување на крвта и доведуваат до пукање на капиларите или ја зголемуваат склоноста кон згрутчување на крвта.

Во врска со факторите за мозочен удар кај помладата популација се повеќе се вбројуваат и дебелината и дијабетеот, како и висок крвен притисок, алкохолизам, хиперлипидемија и други различни хормонални и метаболички нарушувања. Превентивните мерки треба да се опфатат поголема физичка активност и здрава исхрана и откажување од алкохол и никотин.