Мултиситемскиот воспалителен синдром (MIS-C) кај децата е состојба кога различни делови на телото се под влијание на воспаление, а тоа се однесува на белите дробови, срцето, бубрезите, кожата, очите и гастроентеролошките органи.
Се уште не се знае што го предизивкува развојот на оваа состојба, сепак се знае дека голем бројот на деца со овој синдром имале и вирус што предизвикува КОВИД-19 или биле во контакт со некој кој ја имал таа болест. Синдромот може да биде опасен, сури и смртоносен, но повеќето деца на кои им е дијагностицирана оваа состојба се опоравуваат со лекарска помош.
ШТО ДА НАПРАВИТЕ АКО МИСЛИТЕ ДЕКА ВАШЕТО ДЕТЕ ИМА MIS-C?
Секако е важно да контактирате лекар или да се јавите во болница, ако забележите некои од овие симптоми кај детето:
- Висока телесна температура
- Болки во пределот на стомакот
- Повраќање
- Пролив
- Болка во вратот
- Осип
- Црвенило на окото
- Силен замор
Бидете свесни дека секое дете нема да ги има истите симптоми. Ако детето покажува некои од овие предупредувачки симптоми, веднаш е потребно да повикате Брза помош:
- Потешкотии со дишењето
- Болка или притисок во градите која не поминува
- Збунетост
- Потешкотии со будење или детето тешко останува будно
- Сина боја на лицето или усните
- Силна болка во делот на стомакот
КАКО ЛЕКАРОТ ЌЕ СЕ ПОГРИЖИ ЗА ДЕТЕТО?
Докторот може да направи неколку тестови за да се пронајде воспалението или другите симптоми на болеста, а тестовите вклучуваат:
- Вадење крв
- РТГ на бели дробови
- Ултразвук на срцето
- Ултразвук на стомачната шуплина
Лекарите може да пружат нега за сите псотоечки симптоми, лекови или течности за да детето се чувствува подобро, а може да се користи и комбинација на лекови кои ќе го лекуваат воспалението. Повеќето деца со овој синдром сепак ќе имаат потреба од болничко лекување, а некои од нив, за жал и на одделот за интензивна нега на педијатрија.
Родителите кои се загрижени за здравјето на детото, било да се работи за КОВИД-19 или за MIS-C синдромот, мораат да се јават кај педијатар или кај друг лекар веднаш, а тие ќе се погрижат според сите насоки да на детето му биде подобро.
ШТО НЕ СЕ ЗНАЕ ЗА ОВОЈ СИНДРОМ?
Стручњаците се уште учат за него и за начинот на кој делува кај децата, па не се знае точно зошто некои деца се разболуваат, а други не. Исто така, не се знае дали децата со одредени здравствени состојби се поподложни на MIS-C синдромот или не.
