Сите познаваме некоја личност која постојано јаде, но не се дебелее. Причината за тоа не е исхраната или вежбањето, туку гените. Во студијата објавена во списанието PLOS Genetics, универзитетски истражувачи од Велика Британија објавиле истражување за споредба на ДНК на речиси 2.000 слаби волонтери, исто толку лица кои имаат проблеми со прекумерната тежина и контролна група од повеќе од 10.000 луѓе со нормална тежина. Целта на изтражувањето била да се утврди дали гените имаат влијание во одредувањето на тежината и резултатите потврдија дека навистина постои врска помеѓу килограмите и гени, односно дека слабите луѓе ја имаат добрата генетика на нивна страна.
Податоците од генотипите покажаа дека трајното одржување на тежината под контрола, како и обратно, проблемот со вишокот килограми се наследни особини.
Научниците велат дека имаат уникатни резултати, бидејќи другите студии секогаш ги споредуваат ДНК на дебелите луѓе и на оние со нормална тежина, додека, пак, секогаш слабите ги игнорираат.
Генетиката игра важна улога во одредувањето на тежината кај секој човек, но научниците потенцираат дека луѓето не треба да мислат дека тоа е единствената причина за бројот на килограми кои ги носат. Постојат и други важни фактори кои можат да се контролираат.
Првиот од нив е се разбира, физичката активност. Експертите советуваат најмалку 30 минути вежбање пет дена во неделата. Практикувањето редовни, конзистентни вежби е многу важно, не мора да се напорни, туку само редовни. За сите почетници тоа е пешачењето и брзото одење, а оние кои се поподготвени и трчањето.
Фактор што влијае на тежината е и внесот на вода, поточно оние со прекумерна тежина треба да внесуваат 3,2 литри за мажи и 2,2 литри за жени.
Полните луѓе треба, во консултација со својот доктор, да го испитаат и својот хормонален статус, кој може да влијае на нивната тежина, особено хормоните на тироидната жлезда, нискиот тестостерон и пациентите со доминантен естроген.
