Бројката на вагата се намалува, конечно трудот се исплати, но забележувате дека вашата коса се повеќе и повеќе почнува да опаѓа. Не грижете се, тоа е нормално, пишува „Women’s Health“.
Кен Л. Вилијамс Јуниор, специјалист за трансплантација вели: „Знаеме дека губењето на косата се поврзува со брзо губење на тежината или губење на тежината поради стрес“.
Бет Ворен, нутриционистка, исто така, потврдува дека губењето на косата може да биде последица на губење на тежината.
„Се е во хранливите материи“, вели Фатима Коди Стенфорд, лекар во Општата болница во Масачусетс. Луѓето често не внесуваат доволно протеини кога губат килограми, па телото мора да одлучи каде ќе ги испрати тие протеини што ги добива.
„Со оглед на тоа што косата не е нужна за вашиот опстанок, таа ги добива „остатоците“ од протеини, а најголемиот дел се насочени кон главните органи и делови од телото, што доведува до губење на косата“, објаснува Стенфорд.
Но не грижете се ова е само привремена состојба. „Кога ќе престане процесот на слабеење, косата сама од себе ќе се обнови“, вели Ворен.
Ако сакате да изгубите што повеќе килограми и да го намалите опаѓањето на косата, бидете свесни за количината на протеини кои ги внесувате и целите на препорачаната дневна доза од 46 грама.
„Не е лошо да го зголемите и внесувањето на цинк во диетата“, вели Стенфорд, бидејќи тој е клучен минерал за раст на косата (како и за ноктите и здравјето на кожата).
Во тоа ќе ви помогне зеленчук како што се брокулата и спанаќот, овошје како авокадо и смокви и протеини од животинско потекло, како што се јајца и јунешко месо.
