На колку години се „претвораме“ во своите родители

Дали сте од оние кои велат дека ќе постапуваат поинаку од својата мајка или татко?! Истражувањето тврди поинаку...

За многу жени идејата дека со текот на времето се претвораат во своите мајки не е привлечна, всушност тоа е нешто што сакаат да го одбегнат по секоја цена. Меѓутоа, новата студија сугерира дека сето ова би можело да биде неизбежно. Неодамна објавеното истражување тврди дека кога жената ќе наполни 33 години службено почнува да се претвора во својата мајка, ги презема нејзините навики, вкусови и ставови. Ова посебно е случај ако жената малку пред тоа го добила своето прво дете.

Истражувањето го спровел доктор Хулиан де Силва од Лондон, кој во текот на истражувањето разговарал со 2 000 мажи и жени. Доктор Де Силва заклучил дека повеќе од половината жени во раните триесетти години се однесувале послично со своите мајки, за разлика од однесувањето во помлади години, што во повеќето случаи било резултат на „бунтот“ против таквиот живот. Однесувањето кое се повеќе личи на она на нивните мајки вклучува усвојување на исти обрасци на однесување, бавење со исти хобија и дури и гледање исти телевизиски емисии.

Откриено е дека и мажите почнуваат да се преобразуваат во своите татковци некаде отприлика на слична возраст, некаде околу 34 година, а тоа прво се гледа во музичкиот вкус и политичките ставови. Освен тоа што во тие години луѓето се повеќе почнуваат да се однесуваат како своите родители, многумина чувствуваат дека во тие години почнуваат и физички да личат на своите родители.

„Сите се претвораме во своите родители во некој момент од нашиот живот и тоа е нешто што треба да се слави“, објаснува Де Силва и додава: „Главен прекинувач на овие промени е моментот кога младите прв пат стануваат родители, како и големата промена во стилот на живот пред и после бебето. Тоа е неизбежен дел од стареењето, но и процесот кој многу луѓе би сакале што е можно повеќе да го одложат.“