На списокот на симптоми за болеста КОВИД-19, Центарот за контрола и превенција на болести на САД додаде шест нови симптоми, меѓу кои се болки во мускулите, главоболка и треска. Голем број на заразени пациенти немаат никакви симптоми.
Според експертите, на листа се додадени симптомите: треска, повторувачка температура со треска, болка во мускулите, главоболка, болка во грлото и губење на сетилата за мирис и за вкус. Со ова, вброени се вкупно девет симптоми, што е тројно повеќе од она што донеодамна беше напишано на страницата на Центарот за коронавирусот.
Досега, како вообичаени знаци на КОВИД-19 беа признаени само зголемена телесна температура, кашлица и губење на здивот. Додавањето на симптомите како главоболка, болка во грлото и болка во мускулите значи дека офоцијалните лица разбираат дека болеста се променила – претходно тие тегоби се сметало дека се само повремено присутни кај болните со КОВИД-19, а вообичаени се сметале кај добро познатите болести како што се грип и настинка.
Симптомите на коронавирусот обично се јавуваат 2 до 14 дена по изложеноста на вирусот, додека според некои истражувања, тешки симптоми може да се развијат 5 до 10 дена откако ќе се повлечат почетните симптоми.
Секако ако дојде до развојот на тешки симптоми. Се е поголем бројот на докази дека симптомите на новиот коронавирус може многу да варираат, од многу благи да болеста едвај е забележлива, до оние опасни по живот.
