Бројот на заразени лица со новиот коронавирус во светот, ја надмина бројката од шест милиони, покажуваат податоците на сајтот Worldometers.
Како што се наведува, со коронавирусот се заразени 6.009.148 лица, 366.039 се починати, а 2.650.709 се излекувани. Најтешка е состојбата во САД, каде од КОВИД-19 се заболени над 1,7 милиони лица, додека 104.410 се починати.
На второ место по бројот на заразени е Бразил со 465.166 заболени, па потоа следи Русија со 387.623 инфицирани, Шпанија со 285.644 заразени, Велика Британија со 271.222 болни и Италија со 232.249 пациенти со КОВИД-19.
Помалку од 200.000 заразени има Франција, Германија, Индија, Турција, Иран, Перу, Чиле, Канада и Кина.
Кина, земјата во која коронавирусот се појави кон крајот на минатат година, сега е на 15. место по бројот на заразени со 82.995 случаи.
По САД, најголем број на смртни случаи се регистрирани во Велика Британија каде од КОВИД-19 се починати 38.161 лице, а на трето место е Италија со 33.229 починати како псоледица на коронавирусот. Следи Франција со 28.714 жртви, Бразил со 27.878 починати и Шпанија со 27.121 жртва.
