Наглиот пад на естроген е главна причина за силни мигрени кај жените

Многу жени имаат силни мигренозни напади за време на ПМС, кои најчесто се предизвикани од промена на хормоните во организмот

Без разлика дали станува збор за грчеви во дното на стомакот, нагли промени на расположението, неконтролирана потреба за слатки или мачни главоболки, ПМС дефинитивно е најомразениот период во месецот на секоја жена. Сепак, се чини, дека сите овие симптоми не би им паднале толку тешко само ако не боли толку главата.

Многу жени имаат силни мигренозни напади за време на ПМС, кои најчесто се предизвикани од промена на хормоните во организмот и овие неподносливи главоболки обично исчезнуваат на вториот или третиот ден од циклусот. Најголема причина за овој вид главоболка е наглиот пад на количеството на естроген во крвта, неподредно пред почетокот на циклусот. Кога нивото на естроген ќе опадне, се менува прагот на толеранција на болка и стануваме се почувствителни. Освен тоа падот на естроген влијае и на стеснувањето на крвните садови, што е уште една причина за силни мигрени за време на предменструалниот период.

На овие главоболки обично им претходат симптоми како недостаток на сон и дехидратација на организмот. Ако сте личност склона на мигрени, лекарите тврдат дека имате 60 отсто шанси да патите и од предменструални мигренозни напади. Овие главоболки имаат распон на болка од блага до неиздржлива и обично зафаќаат една половина од главата, од каде после се шират на целата глава. Ако вашата мигрена кулминира може да биде проследена со болка во желудникот и силни мачнини.

Лекарите велат дека ако сте склони на мигрени не постои начин во потполност да ги избегнете, но ако тие се врзани за вашиот менструален циклус можете да ги предвидите и да се подготвите за нив. Најдобар вид превенција е квалитетен и здрав сон, здрава исхрана богата со витамини и минерали и добра хидратација на организмот, што значи дневно мора да внесете барем 2 литри вода во организмот за да го окрепите.

Ако овие превентивни мерки не ја отстранат болката, би требало барем да ја ублажат, но ако и тоа не помогне и вашите мигрени стануваат се поболни не одбегнувајте да испиете лек против болки, кој ви го препишал цашиот лекар, затоа што кулминацијата на мигрената може да доведе до мачнини и потполна дехидратација на организмот.