Хроничната опструктивна белодробна болест (ХОББ) е термин кој се користи за опишување на низа заболување на белите дробови, како што се емфизем и хроничен бронхитис. Оваа состојба претставува опструкција на протокот на воздух која не може да се третира со инхалатор.
Се смета дека најголем ризик фактор за ХОББ е чадот од цигарите, но последиците од него не ги поднесуваат само пушачите. Постојат бројни фактори кои можат и кај непушачите да го зголемат ризикот од појава на ова заболување.
ЕКОЛОШКИ ФАКТОРИ
Според пулмолозите, ризик фактори може да бидат и некои еколошки причинители, како чадот, прашината и пареата. Хроничното вдишување на штетни честички и гас има тенденција да стимулира воспаление на белите дробови во тек на подолг временски период, пто доведува до прогресивно оштетување на белодробното ткиво.
ПАСИВНО ПУШЕЊЕ
Пасивното пушење се смета за ризик фактор за бројни респираторни болести, синузитис и алергиски ринитис.
ГЕНЕТИКА
Недостатокот на протеин во црниот дроб може да предизвика и до пет отсто од случаевите на ХОББ. Овој протеин се нарекува алфа-1 антитрипсин и неговиот недостаток е предизвикан од различни генетски фактори.
