Најчести грешки кои ги правиме при нанесувањето крема за заштита од сонце

Сите знаеме дека треба да се мачкаме со крема за заштита од сонце пред да појдеме на плажа, но многумина не знаат како да ја користат правилно.

Неодамнешно истражување имало за цел во текот на 93 часа да тестира преку 2000 доброволци и да открие на кој начин ја користат кремата за заштита од сонце. Се увериле дека само една од три личности (околу 33 отсто) нанеле крема на сите делови од телото кои се изложени на сонце. Само 38 отсто од испитаниците ги почитувале и останатите правила, односно носеле долги ракави, шешир и очила. Она што најмногу ги загрижило е фактот дека повеќето од нив многу помалку користеле крема за време на облачните денови. Иако се спроведени темелни информативни кампањи, повеќето од луѓето се уште веруваат во безброј митови кога е во прашање заштитата од сонце.

На пример, многумина веруваат дека кремата треба да се нанесува само на изложените делови од телото. Но вистината е дека ова важи само ако некој носи облека од материјал кој не пропушта сонце. Меѓутоа вообичаената облека спречува упад на УВ зраците како и кремата за сончање со фактор 10, што не е доволно.

Еве кои грешки ги правиме сите:

Ставаме премалку крема

Во зависност од големината на телото, но на секое мачкање треба да истрошиме околу 30 г крема, што е всушност полна рака. Ако не пливате често би требало да се мачкате на секои 2 до 3 часа. Имајте на ум дека не постои ама баш ниту една крема која е потполно водоотпорна.

Се мачкаме дури кога ќе стигнеме на плажа

Многу е важно телото да се намачка барем 20 минути пред да се појде на плажа. Затоа што на филтрите кои се наоѓаат во кремата и го спречуваат упадот на УВ зраците длабоко во кожата им е потребно малку време за да делуваат.

Не ги мачкаме ушите, вратот, стапалата

Не заборавајте на овие делови од телото, а ќелавите мажи треба да ја мачаат и главата. И ако седите во ладовина не заборавајте дека песокот, водата, стаклата… ги одразуваат УВ зраците. Истото важи и кога има облаци затоа што дури 80 отсто од УВ зраците поминуваат низ нив.

Користиме стари креми

Уште една голема грешка е што користиме креми без да им го видиме рокот на траење. Рокот, односно ефикасноста зависи од начинот на кој се чува кремата.

Користиме фактор под 30

Никако фактор под 30! Квалитетните креми за заштита од сонце со фактор 30 спречуваат упад на 97 отсто од УВ зраците во кожата, а оние со 50 дури 98 отсто! Доволно е да се мачкате со фактор 30 и да се тргнете од сонце. Поцрнувањето треба да престане да биде цел на летниот одмор!