Иако во земјава засега вакцинацијата ќе се спроведува само на здравствените работници во ковид центрите, во јавноста постои огромен интерес за имунизацијата против КОВИД-19. Ова се одговори на стручни лица на најчестите прашања поврзани со вакцинирањето против КОВИД-19.
- Морам ли да се вакцинирам против SARS-CoV-2?
Вакцинацијата против новиот коронавирус е доброволно.
- Ако сум се вакцинирал против SARS-CoV-2 вирусот, морам ли и понатаму да носам маска, да одржувам дистанца и да се придржувам до останатите заштитни мерки?
Со оглед на моментално органичените информации за тоа во колкава мерка вакцината влијае на самото ширење на вирусот и колку долго трае заштитата создадена по вакцинирањето, вакцинираните лица треба да се придржуваат до сите моментални препораки како би се заштитиле себе и останатите, вклучувајќи:
- Носење маска
- Одржување физичко растојание
- Избегнување поголеми собири и дружења
- Често миење раце
- Самоизолација по близок контакт со лице заразено со коронавирус
- Може ли вакцината против КОВИД-19 да ја предизвика самата болест против која се вакцинирам?
Ниту една од одобрените вакцини против КОВИД-19 не содржи жив вирус кој може да предизивика КОВИД-19. Тоа значи дека вакцината против КОВИД-19 не може да предизивика инфекција со вирусот SARS-CoV-2. Можно е лице да биде изложено на коронавирусот непосредно по вакцинацијата (пред развој на имунитет) и да развие симптоми на болеста.
- Може ли било која вакцина од било кој производител против коронавирусот да го промени нашиот генетски код?
Не може: ниту една вакцина општо, а така ниту онаа против коронавирусот не влијае не ДНК на човекот кој се вакцинира. Сите вакцини се тестирани во предклинички и клинички истражувања и не може да бидат одобрени додека не се утврди нивната безбедност и ефикасност.
- Некои примиле вакцина, но и покрај тоа се заразиле со коронавирус. Како е тоа можно?
Тоа може да се случи, но не поради вакцината, туку затоа што вакцината се уште не го развила својот ефект. Одредно ниво на имунитет можеме да се очекува две недели по првата доза, но тој имунитет нема да биде развиен во целост и нема да спречи развој на болеста. Комплетна ефикасност од вакцината се постигнува 10 до 14 дена по примање на втората доза. Заштитата од вакцината не е стопроцентна, но ако лицето се зарази по вакцинриањето, клиничката слика би требало да биде поблага или не треба да има симптоми.
- Што точно треба да му се нагласи на лекарот или медицинската сестра пред да ја примам вакцината?
Пред вакцинирањето, лекарот ќе ве праша за потребните информации – потребно е да укажете на претходни тешки алергиски реакции или тешка акутна болеста/инфекција со висока телесна температура. Лекарот споре дадените ваши информации ќе заклучи дали смеете да се вакцинирате или ќе го одложите тоа.
- Дали подолго трае вакцината или стекнатиот имунитет?
Ако ја прележиме болеста КОВИД-19 или ако се вакцинираме против КОВИД-19, развиваме имунитет. Точното траење на имунитетот по опоравувањето од болеста или по вакцинацијата допрва ќе се утврди. Болеста се појави пред една година и во моментов не може да се знае точното траење на имунитетот.
