НАЈНОВО КЛИНИЧКО ИСПТИУВАЊЕ: Ниту една од терапиите против КОВИД-19 не се покажала ефикасна во лекувањето на болеста

Ниту еден од трите лекови не помогнал да се одржи нормалното ниво на кислород во крвта на пациентите. Но, еден од нив помогнал во намалување на ризикот од тешка форма на болеста и смрт.

Се чини дека двата лека рекламирани како потенцијална терапија против КОВИД-19, ивермектин и флувоксамин, не го подобруваат нивото на кислород кај пациентите заболени од КОВИД-19, ниту го намалуваат ризикот од хоспитализација или смрт поради КОВИД-19, укажуваат резултатите од најновото клиничко испитување објавено во списанието New England Journal of Medicine.

Имено се покажало дека ниту еден од од двата споменати лекови не покажало ефект против КОВИД-19 меѓу пациентите со прекумерна телесна тежина или обезност кои ги примале лековите во период од седум дена од појавата на болеста. Третиот лек, метформин, не ја исполнил примарната цел на подобрување на нивото на кислород, но ги намалил шансите пациентот да развие тешка форма на КОВИД-19.

Во раната фаза на КОВИД-19 пандемијата, гореспоменатите лекови беа наведени како можни третмани за КОВИД-19. Инаку, ивермектин се користи за лекување на стронгилоидоза, флувоксамин за лекување на депресија, а метформинот е лек за дијабетес.

Сите испитаници во клиничкото испитување морале да имаат прекумерна телесна тежина, со оглед дека обезноста е еден од познатите ризик фактори за тежок КОВИД-19. Нешто повеќе од половина од испитаниците биле вакцинирани.