Сколиозата е деформација на локомоторниот систем која се појавува во текот на растењето, а се стабилизира кога растењето ќе заврши. Човековиот рбет, гледан одстрана е рамен, а доколку се појави свиткување, тогаш се работи за сколиоза.
Оваа состојба има две основни групи, функционална или неструктурална група и органска или структурална сколиоза. Во првата група се работи за сколиози кај кои нема анатомски пореметувања на рбетот, а искривувањата се последица на некои други состојби. Овие сколиози се надминуваат кога ќе се надминат и тие состојби.
Втората група сколиози се предизвикани од анатомски промени во рбетот, а најчесто се клинести деформитети, ротација или торзија на рбетот, а во најтешките случаи и сублуксација.
Сколиозата може да се појави во различни периоди од животот. Инфантилната се јавува во првите три години од животот. Спаѓа во најтешките сколиози кои многу брзо напредуваат и многу често бараат хируршки третман. Јувенилна сколиоза, која е и најчеста, настанува од третата со десеттата година, а адолсцентната од почетокот на пубертетот. Адултните сколиози настануваат по настанувањето на коскената зрелост.
