“Изолацијата, стравот, несигурноста и економскиот пад предизвикуваат или може да предизвикаат психолошки проблеми“, изјави Девора Кeстел, раководител на одделот за ментално здравје при СЗО.
Кeстел, претставувајќи го извештајот на ОН и насоките по прашање на пандемијата со коронавирусот и менталното здравје, изјави дека е очигледен големиот пораст на бројот на ментални болести и нивниот интензитет, апелирајќи дека владите треба да го стават тоа прашање во центарот на својот одговор.
“ Менталното здравје и благосостојбата на цели општества силно се погодени со кризата и се приоритети кои мора итно да почнат да се решаваат“, нагласи Кeстел.
Во извештајот се истакнати неколку региони и социјални слоеви кои се најранлива категорија за менталните болести – вклучувајќи ги децата и младите изолирани од пријателите, како и здравствените работници соочени со голем број на лица починати од коронавирусот.
Досегашните истражувања веќе покажуваат влијание на пандемијата на глобалното ментално здравје. Психолозите надедуваат дека е забележан пораст на бројот на анксиозни и депресивни лица во повеќе земји.
Се зголемува и семејното насилство, додека здравствените работници се повеќе бараат психолошка помош.
