Потребна ви е промена во различни области на животот, особено во исхраната. Но, како да го постигнете тоа? И во што точно се состои оваа промена? Доктор Алберт Фјорита, лекар и претседател на Европското здружение за здрава исхрана, е автор на книгата „Здравје во џеб“. Неговата работа е многу интересна поради оригиналните методи што ги предлага. Ова е вистински „здравствен проект“, кој секој треба да го  запознае.

                     ПРОМЕНА ВО ФАЗИ

Доктор Фјорито ја дели промената на четири фази, овозможувајќи доволно време за целосна трансформација. Во секоја фаза – одредени категории храна постепено се заменуваат со некои други, кои на подолг рок благотворно делуваат на организмот. Истовремено се започнува со стекнување на одредени навики кои вклучуваат физичка активност, медитација и вежби за дишење, што значи промена во секојдневниот живот.

Прва фаза. На почетокот наместо рафинираната сол и шеќер почнете да користите интегрална морска сол и органски шеќер. Ќе откриете дека вкусовите се менуваат. Определете се за органско овошје, зеленчук и мед. Исто така, почнете да ги запознавате и семињата (лен, сончоглед, тиква). Многу е важно да се чуваат на темно место во затворен сад (лененото семе најдбор е да се чува во фрижидер и пред употреба да се сомеле). Користете ги во салати или грицкајте ги заедно со ореви и бадеми. Уште еден чекор во првата фаза е испробување на растителни млека: оризово, соино, овесно, бадемово. Пронајдете го она кое најмногу ви одговара и користете го за појадок. Имајте предвид дека вкусот може да варира во зависност од производителот.

Втора фаза. Сега следува потешкиот чекор: исфрлање на белото брашно. Преминете на интегрален или полуинтегрален леб и тестенини не само од пченица, туку и од камут, елда и спелта пченица. Имајте предвид дека овие производи, доколку се од органско потекло, се потемни и не содржат „лепливи“ состојки како глутен. Интегралните прехранбени производи на почетокот може да ве збунат, особено затоа што се преваруваат за само неколку секунди. Но полека ќе се навикнете.

Трета фаза. Ако сте стигнале до овде, веќе сте постигнале неколку важни цели, што уште повеќе ве мотивира така да продолжите. Сега е ред на водата. Пијте ја повеќе од вообичаеното, на почетокот половина литар дневно меѓу оброци, особено наутро и навечер. Потоа следува запознавање со интегрални или полуинтегрални органски житарки. Секогаш натопувајте ги за да омекнат и не заборавајте дека тие подолго време се варат. Пробајте ги сите: ориз, јачмен, спелта пченица, елда, камут, овес, киноа … Овие житарки претставуваат извонреден извор на витамини, ензими, влакна и протеини. Ако ги комбинирате со мешункаст зеленчук, тоа е како да јадете месо. Јадете ги овие житарки три до четири пати во текот на неделата со сос од домати или песто сос.

Четврта фаза. Сега воведете растителни протеини, особено сејтан и деривати од соја. На овој начин може да ја доведете до минимум употребата за месо. Доктор Фјорито не смета дека месото треба целосно да се исфрли од исхраната. За типичен брз оброк тој предлага две кришки сејтан со мешана салата. А како прилог: омилениот зеленчук, вклучувајќи и мешункасти растенија.