Направете домашен избелувач на заби

Поради бојата на забите многумина би помислиле дека не ги миете редовно забите или сте пушач, зависник од чај или од кафе. Но, нема личност која не посакала да има блескавобела насмевка. Доколку не сакате да одите на забар обидете се сами да ги избелите жолтите заби во домашни услови, на едноставен начин. Во прашање е една варијанта на ефикасна „црна паста за заби“ која задолжително треба да ја имате дома. 

Голем дел од популацијата има проблем со жолти заби или заби кои ја изгубиле својата боја. Белата насмевка секогаш привлекува повеќе внимание. Многумина ги корегираат своите слики токму заради жолтите заби. Самата култура на поднебјето каде живееме секојдневно не притиска да направиме нешто што ќе ја промени нашата насмевка.

За подготовка на овој домашен избелувач потребно ви е, пред се, кокосово масло, кое има антимикробно дејство и го намалува бројот на патогени во устата, го освежува здивот и ги избелува забите. Истовремено помага и во зајакнување на забната глеѓ. Друга состоја е активниот јаглен кој ги извлекува токсините и нечистотиите од телото, а на забите делува како неагресивен избелувач. Тој особено добро ги елиминира дамките од танинот што го има во чајот, кафето и во виното. Етеричното масло од нане (мента) како трета состојка дава пријатен вкус и освежителен здив. Маслото од портокал како последна состојка од домашниот избелувач има антибактериско дејство. Сите овие состојки искомбинирани заедно нудат комплетна чистота ии заштита на усната шуплина и на забите. 

Подготовка: Две лажички активен јаглен во прв или четири таблетки иситнете ги во аван, па измешајте ги со кокосово масло (шолја за кафе). Додадете 20 капки етерично масло од нане и 25 капки масло од портокал. Мешајте додека не добиете компактна маса. Оставете ја во фрижидер околу 15 минути или додека целосно не се стегне. Најдобро е количината да ја ставите во калапи за коцки мраз. Во секое калапче ставете по една лажица од пастата. Потоа извадете ги добиените коцки паста и префрлете ги во стаклен сад кој ќе го чувате во фрижидер. Се користи еднаш неделно така што ќе ја стопите коцката во устата и ќе ја џвакате 10-15 минути. Потоа можете и да ги исчеткате забите.