Одмрзнувањето стакла на автомобилите е обврска со која се соочуваме во студените зимски утра и која е неопходна за возење во зимските месеци.
Тврдиот слој на мраз тешко се отстранува само со стругалка во рака, особено кога сме во трка со недостаток на време во утринските часови. Помогнете си самите со „домашен рецепт“ за одмрзнување на стаклата, кој се подготвува само од три состојки, штедејќи го вашето време, но и пари за скапи препарати.
Потребен материјал:
- сад со распрскувач
- 1 дцл медицински алкохол (70%)
- 5 капки детергент за миење садови
- 4 дцл топла вода
Постапка:
Во садот за прскање, сипете го алкохолот, потоа детергентот и на крајот, топлата вода. Затворете го садот, протресете ја содржината и тргнете во акција. По првичното отстранување на мразот, течноста ќе го штити стаклото од замрзнување уште некое време.
