Стручњаците од САД ги проучувале клетките на десетици лица кои биле заразени со коронавирус и откриле дека, иако антителата со тек на време им се намалувале, нивото на Б клетки (Б-лимфоцити) им останало исто.
Б-лимфоцитите се важен дел од имуниот систем, бидејќи се работи за клетките кои ги “помнат“ патогените и во случај на реинфекција, го поттикнуваат имуниот систем повторно да покрене производство на антитела за борба со вирусот.
“Таквиот одговор на Б клетките е одговорен за заштита од повторна инфекција и е витален за ефикасна вакцина“, се вели во студијата објавена во списанието Nature.
“Нашето истражување покажа дека ‘помнењето’ на Б клетките не пропаѓа по шест месеци, туку токму спротивното – продолжува да се развива. Тоа укажува на можноста да поединци кои биле заразени со коронавиррусот, можат брзо и ефикасно на одговорат повторна изложеност на вирусот“, се вели во студијата.
Во истражувањето биле вклучени 87 лица со потврдена дијагноза на КОВИД-19, проучувани во период од месец до шест месеци по инфекцијата.
Активноста на нивните антитела со време опаѓала, но бројот на Б клетките не се променил. Тој процес би требало да предизвика производство на потентни антитела во случај на втора инфекција.
Колку долго трае имунитетот по заразата со новиот коронавирус е прашање со кое научниците се занимаваат веќе некое време, оти тоа е клуч за предвидување на динамиката на пандемијата.
Студија објавена во списанието Science овој месец, упатува на тоа дека речиси сите важни делови од имуниот систем кои можат да препознаат и запомнат нов патоген, продолжуваат да реагираат на вирусот најмалку уште осум месеци.
