Рибата и млечните производи се најдобри извори на витамин Д во исхраната, поради што на оние на растителна исхрана им е тешко да добијат доволно есенцијални микронутриенти. Витаминот Д ги штити нашите коски и ги одржува мускулите и забите здрави.
Сега, тим на истражувачи дошол до потенцијален нов и вегански извор на витамин Д: ген од домат уреден со помош на CRISPR-Cas9 технологија.
Ако земјоделците и произведувачите го прифатат процесот комерцијално, овие домати би можеле да помогнат во решавањето на проблемот со недостаток на витамин Д, за кој студијата вели дека погаѓа една милијарда луѓе ширум светот.
“Ова возбудливо откритие не само што го подобрува човековото здравје, туку вклучува и еколошки придобивки поврзани со исхраната која се темели на растенија, која често се поврзува со предизвици во обезбедувањето на некои клучни витамини и минерали кои се наоѓаат и биолошки се достапни во животинските производи“, вели Гај Попи, професор по екологија на Универзитетот во Саутемптон.
“Мислам дека прехранбениот извор на витамин Д во форма на растение исто така значи да можете да добиете дополнителна корист од јадењето домати. И онака не јадеме доволно овошје и зеленчук. Доматот е добар извор и на витамин Ц“, вели Кети Мартин, професор на Центарот Џон Инес во Англија.
Студијата е објавена во понеделникот во научното списание Nature Plants.
СОНЧЕВ ВИТАМИН
Главниот извор на витамин Д за повеќето луѓе е храната, но нашето тело создава и микронутриенти кога кожата е изложена на УВБ светлина – поради што понекогаш се нарекува и сончев витамин. Научниците користеле сличен процес кај доматите.
Соединението во кожата што може да создава витамин Д е познато како 7-DHC, или провитамин Д3, а исто така се наоѓа во лисјата на растението домати и незрел зелен плод.
Истражувачите блокирале ген во растенијата од домати кој нормално го претвора провитаминот Д3 во холестерол, што овозможило провитаминот Д3 да се акумулира во зрелиот плод на домат.
Со цел провитаминот Д3 да се претвори во витамин Д3 кој му помага на нашето тело, доматите биле третирани со УВБ светлина. Студијата покажала дека провитаминот Д3 во еден домат – откако ќе се претвори во витамин Д3 – бил еквивалентен на количината на витамин Д3 содржана во две јајца со средна големина или 28 грама туна.
“Техниката за блокирање на гените, која истражувачите ја ставаат на располагање со објавувањето на трудот, може да се примени и на други видови растенија solanaceus како што се пиперките, чилито, модриот патлиџан и компирот“, вели проф. Мартин.
