Светската здравствена организација наведува дека новиот коронавирус првенствено се шири од лица на лица по капков пат, од нос и уста на заразеното лице при кивање, кашлање или зборување.
Во отворено писмо до СЗО, кое потписниците планираат да го објават во научно списание идната недела, 238 научници од 32 земји навеле докази кои покажуваат дека помалите честички може да бидат заразни, пишува Њујорк Тајмс.
Сеедно е дали коронавирусот се пренесува преку поголеми честички по кивање или преку помали честички кои се создаваат со дишењето, коронавирусот се пренесува преку воздух и може да зарази луѓе кога ќе го вдишат, наведуваат научниците.
Меѓутоа, СЗО наведува дека доказите за пренесот преку воздух не се уверливи.
“Особено во последниве месеци неколку пати истакнавме дека сметаме оти е можна трансмисија преку воздух, но за тоа не постојат цврсти или дури јасни докази“, изјави Бенедета Алегранци, директорка на програмата на СЗО за пренеценција и контрола на инфекции.
