Американската академија за медицина на спиењето открила дека една од три возрасни личности во Америка има симптоми на несоница, а податоците покажуваат дека годишно се случуваат околу 100 илјади несреќи поврзани со спиење зад воланот. Научниците тврдат дека постои начин конечно во мир и побрзо да заспиете.
Во неодамна објавената студија во соработка со „UT Health Science Center” од Хјустон и Универзитетот во Јужна Каролина, истражувачите утврдиле дека топлата купка или тушот еден до два часа пред спиење можат значително да го подобрат сонот.
„Со мојот тим прегледавме повеќе од 5 000 студии кои го поврзуваат капењето и сонот, 17 студии ги исполнија нашите критериуми за истражување на влијанието на топлата купка или туширањето врз сонот. Користевме статистичка постапка за комбинирање податоци од повеќе студии и за пронаоѓање оптимално време за капење. Откривме дека топлата купка, од околу 40 Целзиусови степени, во траење од десетина минути може значително да го подобри спиењето“, изајвил Шахаб Хагхајег, еден од авторите на студијата од Универзитетот во Тексас.
Со други зборови топлата купка час или два пред одење в кревет поттикнува поцврст сон, во споредба со одењето в кревет без капење. Исто така, ако се капете или туширате со топла вода пред спиење, 36 отсто се поголеми шансите побрзо да заспиете.
Зошто помагаат топлата купка или туширањето? Нашата телесна температура не е константна – повисока е наутро и навечер, а најниска е во текот на ноќта кога спиеме.
После топла купка или туширање телото носи поголем проток на крв на површината посебено во рацете и нозете. Тој проток на крв донесува доплина на површината и емитува топлина на околината, што резултира со пад на телесната температура. Заради тоа купката или туширањето еден до два часа пред спиење може да имаат позитивно влијание на биоритамот и добриот сон.
