Со оглед на денешниот стил на живот очите се склони на бројни проблеми, а нивната сувост е еден од нив. За да го зачувате здравјето на очите, потребно е да се намали употребата на дигиталните уреди и во исхраната да се вклучат одредени намирници.
Ова се пет намирници со чија консумација ќе си ги заштитите очите:
Цитрусите како грејпфрутот, портокалите и лимоните се богати со витамин Ц кој помага во лекување на болестите на очите. Антиоксидантите помагаат во борбата против очните проблеми поврзани со староста.
Зелениот листест зеленчук како спанаќот и кељот е богат со лутеин кој ги штити очите од оштетувања на сончева светлина.
Семките како што се ленот, конопот, чијата и сончогледот се богати со омега-3 масни киселини и витамин Е.
Морковот веќе одамна се смета за зеленчук кој е исклучително корисен за очите и видот. Богат е со бета-каротен и витамин А, кои играат важна улога кога е во прашање видот.
Рибата се смета за еден од најбогатите извори на омега-3 масни киселини. Исто така, рибите како што се туната, лососот, скушата и пастрмката содржат доста рибино масло корисно за видот. Ова масло го решава проблемот со суви очи кој е резултат на предолгото користење дигитални уреди.
