Со редовно консумирање јајца може да ги заштитите очите од дегенерацијата поврзана со стареењето која е главна причина за губењето на видот после 50 година од животот. Група австралиски научници која набљудувала 3 654 пациенти во период од 15 години и открила дека оние кои јаделе по две до четири јајца неделно имале за 49 отсто помали шанси да ја имаат оваа дегенерација во споредба со оние кои јаделе едно или помалку јајца неделно.
Јајцата се богати со каротеноидот лутеин и зеаксантин, кои можат да влијаат на оваа дегенерација и да го спречат нејзиното напредување.
Јајцата се полни си пријателски антиоксиданти кои се одлични за очите. Жолчките се богати со лутеин, вид на каротеноид кој помага во борбата со дегенерацијата на очите, а можете да го најдете и во зелениот листест зеленчук како што се кељот и брокулата. Научниците тврдат дека нашето тело полесно го апсорбира лиутеинот од јајцата отколку од овој зеленчук.
Освен што се одбри за очите, јајцата се и одличен извор на протеини кои можат да ни помогнат во одржувањето на телесната тежина и да спречат дебелеење. Ни даваат подолго чувство на ситост, а протеините од јајцата ни помагаат подобро да го контролираме согорувањето на калориите.
Колинот, супстанца која се наоѓа во жолчките, го стимулира развојот на мозокот и неговата функција. Јајцата ни помагаат енергијата да биде на добро ниво и ја смалуваат желбата за нездрави грицки. Секое јајце освен тоа содржи и само 70 калории и има 14 круцијални хранливи сосотојки. Од гледна точка на нутриционистите, консумирањето јајца е исто како и земањето мултивитамини.
Во едно истражување спроведено во 2006 година на Универзитетот Масачусетс, на пациентите им се давале по 5 јајца неделно. Кај нив бил забележан пораст на лутеинот и зеаксантинот во крвта, а мерењето на холестеролот покажало дека тој не се зголемил забележително.
