Халуцинациите се показатели на менталното здравје на личноста, а често може да бидат симптоми на болести како Паркинсонова или Алцхајмерова болест, тумори на мозокот, шизофренија и други.
Халуцинациите не се само гледање на работи, како што мислат многумина, туку и слушање звуци и чувствување мириси кои во реалноста не постојат. Причините за халуцинации се различни и може да бидат последица на ментални болести, како што е шизофренија, но, исто така, и индикатори на проблем со нервниот систем.
Луѓето кои имаат проблеми со халуцинации во сонот треба да се јават на лекар, кој ќе процени дали се потребни лекови кои ќе помогнат во контрола на болеста.
-
Халуцинациите се поделени на визуелни халуцинации, аудитивни халуцинации, олфакторни халуцинации, густаторни халуцинации и тактилни халуцинации. Шизофренијата е најчеста причина за халуцинации и тоа визуелни, кога луѓето гледаат работи кои не постојат.
Деменцијата предизвикува промени на мозокот кои доведуваат до халуцинации, а најчесто се појавуваат во напредната фаза на болеста. Луѓето кои страдаат од мигрена обично имаат проблеми со визуелни халуцинации.
Во зависност од тоа каде се лоцирани туморите на мозокот, тие, исто така, можат да предизвикаат различни видови на халуцинации, а доколку туморот се наоѓа во област, која го контролира видот, лицето гледа работи кои не постојат.
Исто така, можно е лицето да гледа различни облици, дамки и светли точки, а во други делови на мозокот, туморите можат да предизвикаат тактилни и олфакторни халуцинации. Кај луѓето кои имаат проблеми со видот, како што е катаракта, дегенерација на мускулите или глауком, може да дојде до визуелни халуцинации.
На самиот почеток, лицето најчесто не ја гледа разликата меѓу реалноста и халуцинациите, а типот на халуцинација зависи од тоа во кој дел од мозокот се случил напад.
Ако некое лице забележи дека има халуцинации, кои уште се појавуваат и во сон, се советува да не чека и да побара медицинска помош.
