Не го „крцкајте“ грбот, зашто може сериозно да се повредите!

Место да го крцкате грбот лесно истегнете се и вежбајте

Дали некогаш сте се запрашале како и колку крцкањето може да биде лошо за вашиот грб? Што се случува кога го правите тоа?

Нашите зглобови се изградени од лигаменти и тетиви, а меѓу нив има ’рскавица која помага тие да се движат мазно и за се лесно да се придвижува. Кога ќе ги изложиме на пристисок тие пукаат и ослободуваат гас кој, всушност, е она пукање што го слушаме. Одвреме – навреме тоа е во ред, но секојдневно пукање доведува до тоа ’рскавицата да се потроши, па доаѓа до болка и евентуално кинење на лигаментите.

Затоа место да го крцкате грбот лесно истегнете се и вежбајте сигурно и без тензија во зглобовите. Топлата купка, исто така, може да помогне – кога ќе излезете од водата благо истегнете се напред и останете во таа положба 15 до 30 секунди.

Ако болката е во горниот дел од грбот, тогаш неколку пати неделно легнете на грб и ставете валјак под грбот кој ќе го тркалате отфрлајќи се со стапалата. Поткренете го задникот. Прекрстете ги рацете преку градите и оттурнете се со нозете.