Не го оставајте детето во автомобил: Дали знаете за колку минути топлината станува смртоносна?!

Не ги оставајте децата во автомобил додека ’завршувате нешто’ – постојано предупредуваат лекарите и медиумите зашто за мошне кратко време топлината во автомобилот може да стане опасна по животот!

Речиси 750 деца умреле во последната деценија затоа што оние кои ги чувале ги оставиле во затворен автомобил кој во некои случаи дури и бил паркиран во сенка. Во САД годишно во просек умираат по триесетина деца затоа што биле оставени сами во автомобили кои, после некое време, се претвораат во „врели рерни“.

Медиумите и социјалните мрежи веќе со години се полни со предупредувања дека децата или домашните миленици не треба да се оставаат во автомобилот додека набрзина се ’обавуваат некои ситници’.

Научниот магазин Temperatures објавил труд во кој тврди дека за дете доволно е да помине еден час во затворен автомобил за тоа да биде опасно по неговиот живот.

Имено, децата се почувствителни на температурните промени од возрасните, полесно се загреваат и многу потешко се ладат. Исто така, не се во состојба да го напуштат автомобилот доколку не им е добро.

Научниците со помош на лекарски тим пресметале дека телесната температура од 40 степени е доволна да ги поттикне сите симптоми на топлотен удар, кои потоа можат да резултираат со откажување на органите, оштетувања на мозокот или смрт.

Експериментите бил спроведени со помош на три сета различни автомобили кои наизменично биле паркирани во текот на јуни и јули 2014 година во градот Темпе во Аризонма. Бележен бил порастот на температурата, а научниците се бавеле со сценаријата на кој начин таа температура би влијаела на организмот на детето, односно животните.

Временски најдолго било потребно да се загрее комбе, а најмалку помалите автомобили со потемни бои. Температурата во возилата во просек после еден час изнесувала 46 Целзиусови степени, додека воланот, седиштата и предниот дел биле уште потопли. После еден час во сенка, температурата изнесувала 37 Целзиусови степени. После еден час на сонце и два во сенка, детето или миленикот, ако се оставени во автомобил се изложени на смртна опасност.

„На сите барем еднаш ни се случило да влеземе во топол автомобил и да не можеме ниту да го допреме воланот. Замислете како му е на нежниот организам кој седи таму“, изјавила климатологот Ненси Селовер од Универзитетот во Аризона за Вашингтон пост.

БИДЕТЕ ВНИМАТЕЛНИ!