Многумина имаат навика просторот за седење на тоалетните школки во јавните тоалети да го прекриваат со тоалетна хартија, но притоа не се ни свесни колку всушност оваа навика е лоша и непријатна, затоа што на тој начин се создаваат совршени услови за ширење бактерии.
Ако и вие сте еднa од оние личности кои се плашат од бактерии и со секое влегување во јавен тоалет со хартија ја прекривате површината на која треба да седнете имајте го ова на ум – на тој начин сте изложени на поголемо количество бактерии отколку ако седнете директно на површината. Се разбира, под услов да нема видливи, валкани дамки.
Причината е што просторот за седење е дизајниран така што е мошне тешко бактериите да дојдат до вас, но затоа, пак, хартијата е совршена подлога за наталожување микроби. Воопшто не е добро да се има меки материјали во близина на веце школката затоа што токму таму бактериите најмногу се собираат и со нивната употреба лесно доспеваат и во воздухот. Заради тоа е мошне важно да заборавите на овие лоши навики и да се обидете да најдете алтернатива.
