Бидејќи надворешните температури веќе се ниски честопати на сите ни се случува навечер, пред одење в кревет дополнително да ја загреваме собата во која спиеме. Но експертите предупредуваат дека греењето на просториите во кои спиеме не сaмо што може да ви отежни да заспиете, туку може да резултира и со немирен сон. Сето ова се случува затоа што нашето тело се бори со температурните промени, и всушност многу е подoбро да се спие во разладена соба.
„Препораката е температурата во спалната соба да има 18 степени и помалку, иако за многумина таа е прениска. Но, всушност најдобро е температурата во собата во која спиете да е пониска од остатокот од станот“, советува експертот за сон Џејмс Вилсон.
„Многу е поважна температурата меѓу чаршафите и прекривкаtа и таа би требало да биде меѓу 27 и 29 степени, додава тој.
Топлото опкружување го ремети сонот за разлика од ладното, а вештачкото греење може да направи хаос во организмот. Експерите предупредуваат дека собата не треба да се прегрева, но не треба ни да се направи фрижидер.
Врелиот и сув воздух може да ве дехидрира и ќе го спречи организмот да се бори против инфекции. Во случај да го оставите греењето вклучено во текот на целата ноќ, наутро може да се разбудите жедни и со сува уста.
