Не можете да ги отворите очите? Блефароспазамот може да значи дека сте преуморни или ненаспани

Блефароспазам, или стискање на очите е несакано движење на капакот на окото на неколку секунди кое се повторува во текот на минута или две. Понекогаш спазамот е толку силен што очниот капак потполно се затвора.

Појавата на „стискање на окото“ може да се повторува во текот на неколку дена, недели, па дури и месеци. Тоа не создава болка, но може да биде непријатно. Се јавува најчесто на повозрасни години и најчесто на двете очи. Во својот најчест облик, кој е целосно безопасен, блефароспазамот престанува сам од себе. Во ретки случаи може да биде најран знак за некои хронични пореметувања.

Блефароспазамот на левото или десното око може да се јави и без специфичен причинител како што е некоја болест или некоја состојба. Но, постојат и такви случаи во кои причината е поврзата со некои симптоми како на пример:

  • Консумирање на алкохол
  • Кофеин
  • Замор
  • Иритација на површината на окото или на внатрешноста на капакот
  • Ненаспаност
  • Физичко оптеретување
  • Пушење
  • стрес