Ако предвид се земе тешката работа што срцето ја извршува – одржувајќи ве во живот пумпајќи крв, воздух и нутриенти до органите – веројатно често не размислувате колку напор вложува секоја секунда во денот.
Да бидеме прецизни, тука се и од 60 до 100 отчукувања во минута, а ако се и повеќе, тогаш таа состојба се нарекува тахикардија. Може да премине во сериозен проблем, но ретко е симптом за инфаркт.
Еве зошто може срцето забрзано да ви чука
- СТРЕС
Кога стресот напаѓа, се ослободува кортизол – хормон на стресот, кој влијае на побрзо отчукување на срцето и го зголемува крвниот притисок, што резултира со забрзан пулс, објаснува кардиологот од Флорида, Адам Сплавер. Тоа е нормална реакција на стрес и ваше е да пробате вежби за релаксација како медитација за да се ослободите од стресот.
- ПРЕМНОГУ СТИМУЛАНСИ
Тоа може да бидат кафе, алкохол, никотин, кои исто така можат да предизвикаат висок крвен притисок и тахикардија. Ако ова се предизвикувачите во вашиот случај, следете план за здрава исхрана и ограничете го внесот на кофеин. Според упатствата, максималниот внес на кофеин за возрасни не треба да надминува 400 милиграми дневно.
- ДЕХИДРАТАЦИЈА
Кога сте дехидрирани, она што е познато како ефективен волумен на крвта се намалува и влијае на намалување на крвниот притисок, а во некои случаи може и да го намали.
- АНКСИОЗНОСТ
Анксиозните нарушувања се најчестата ментална болест во светот, што влијае на околу 40 милиони луѓе само во Америка. Анксиозноста, исто така, ослободува кортизол, го забрзува пулсот и го зголемува крвниот притисок. Може да се смирите со фокусирање на дишењето. Ставете ја раката на стомакот и фокусирајте се на вдишувањето и издишувањето и бројте – „еден“ за вдишување, „два“ за издишување. Обрнете внимание на дишењето и движењето на стомакот значи враќање во сегашниот момент. Изведете ја вежбата 10 секунди, повторете ако е потребно.
- НЕДОВОЛНО СОН
Ова е честа причина за забрзана работа на срцето. Недостатокот на сон си поигрува со хормоните и така и може да предизвика зголемување на крвниот притисок и тахикардија. Американската асоцијација за сон препорачува од 7 до 9 часа сон за да му се овозможи на телото целосно да се опорави. Попладневниот сон ја намалува поспаноста што се зголемува во текот на денот и предизвикува несоница навечер. Исто така, се препорачува избегнување на кофеин, и се предлага дневната доза енергија да ја побарате во прошетка. Имено, се покажало дека 20 минути поминати во природа ќе резултираат со ментално и физичко зголемување на енергијата.
- БОЛКА
Според експертите од клиниката Мајо, акутната болка исто така поттикнува ослободување на стрес хормоните, а ние веќе ги набројавме сите негови негативни ефекти. Без разлика дали болката е предизвикана од фрактури, рани или некоја друга медицинска состојба, доколку се третира, отчукувањата на срцето ќе се вратат во нормала.
