Не се само гените виновни за рак, но можат да помогнат во предвидувањето на една од главните причини

Ризикот дека дебелината ги зголемува шансите да заболите од рак со години е неправедно занемаруван.

Многу болести можат да се спречат со адекватна превенција, а тоа што имате вишок килограми може и до два пати да го зголеми ризикот од заболувања. Вишокот килограми се наоѓа на второто место причини за болести кои можеме да ги коригираме, веднаш после пушењето.

Бешиката, бубрезите, панкреасот, јајниците, ендометријалниот и езофагијалниот рак сега почесто се јавуваат кај луѓето кои имаат вишок килограми. Експертите велат дека последиците од екстремна дебелина се поразувачки кога е во прашање ракот, но и дека многу не се запознаени со оваа опасност.

„Иако бројот на оние кои преживуваат рак е голем, многумина се уште не знаат дека дебелината предизвикува рак. Сега на сите им е јасно дека опасноста е многу поголема од порано. Ако продолжиме да таложиме килограми, ќе се соочиме со илјадници нови смртни случаи заради оваа болест. Работиме на тоа да ја спречиме епидемијата на дебелина, а поединци, семејства, продавниците за храна и владите треба да се вклучат во акцијата“, рекол Симон Стивенс, директор на Националната здравствена служба.

Истражувањето спроведено под наздор на француската Интернационална агенција за истражување на рак набљудувало како генетските мерки на телесна тежина влијаат на ризикот од канцер. Повеќе од 80 отсто од случаите на рак се поврзани со дебелината, и тоа само во Британија. Кога се набљудуваат гените, постои можност да се предвиди колку некој ќе биде дебел во текот на животот. Така, ризикот за рак на бубрезите пораснал од 30 на 59 отсто. Од 50 на 106 отсто пораснал ризикот за ендометријален рак, од 6 на 13 ризикот од рак на јајниците и од 48 на 110 ракот на езофагус. Што се однесува до ракот на панкреас, ризикот од 10 пораснал на 47 отсто, а за ракот на црева од 5 на 44 отсто.

Дебелината е позната по тоа што може да предизвика дури 13 различни видови рак. Тука ги вбројуваме ракот на дојка, црева, матка, езофагијален, на панкреас, црн дроб, бубрези, стомак, бешика, јајници, тироидна жлезда, на мозок и меланом. За тоа се виновни пореметените односи на хормоните естроген и инсулин.

Дебелината не доведува само до појава на рак, туку може да предизвика и дијабетес тип 2, неплодност, болести на срцето, црниот дроб и остеоартритис. Со соодветен третман опасноста може да се намали. Препорака е да се посветите на здрава исхрана и физичка активност, и така да ги намалите шансите да заболите од опасни болести.