Мигрените и главоболките го исцрпуваат организмот и се исклучително непријатни. Понекогаш траат со часови или денови, а нивната болка не можат да ја ублажат ниту најсилните аналгетици. Пулсирачката болка може да предизвика и гадење, чувствителност на светлина и други непријатни дразби.
Што ја предизвикува мигрената?
Од мигрена боледуваат повеќе од 300 милиони луѓе ширум светот со 20 милиони напади дневно. Жените се во просек 18 проценти посклони кон мигрените отколку мажите. Експертите веруваат дека мигрената е предизвикана од неколку фактори:
Зголемен проток на крв во мозокот. Истражувањата покажуваат дека мигрената ја предизвикува прекумерен проток на крв во мозокот.
Невролошки нарушувања. Невролошките нарушувања се поврзани со активноста на нервните клетки кои, исто така, можат да предизвикаат мигрена. Зголемената клеточна активност предизвикува болка.
Промена на нивото на серотонин. Мигрените може да бидат предизвикани од воспалени крвни садови кои предизвикуваат ниско ниво на серотонин.
Стеснување на крвните садови. Иницијалното стеснување на крвните садови и намалувањето на протокот на крв, по што следува проширување и истегнување на крвните садови, може да предизвикаат болка која резултира со мигрена.
Недостаток на витамини
Неодамнешните истражувања покажале дека витаминот Б6, Б12 и фолната киселина ја намалуваат инциденцата на мигрена. Експертите веруваат дека мигрената може да се спречи со високи дози на рибофлавин или витамин Б2.
Витамините Б6 и Б12, исто така, го намалиле нивото на хомоцистеин, чие зголемено присуство негативно влијае на здравјето и предизвикува мигренски напади.
