Голем недостаток на витамин Д е поврзан со зголемен ризик од ребална (бубрежна) хиперфилтрација (RHF) кај релативно здрави возрасни лица, укажува нова студија во која учествувале 33.210 испитаници со нормална функција на бубрезите.
Под голем недостаток на витамин Д се смета концентрација на 25-хидроксивитамин Д во серум помала од 10нг/мЛ.
Резултатите од ова истражување покажале дека проценетата брзина на гломеруларната филтрација (GFR) била негативно поврзана со концентрациите на 25-хидрокивитамин Д во серум. Инаку, просечната брзина на гломеруларната филтрација е најчувствителна метода за проценка на зачуваноста на бубрежната функција.
Треба да се спомене дека гломеруларната хиперфилтрација (GHF) е поврзана со напредок на бубрежните болести и артериската хипертензија.
Според мислењето на стручњаците, раното детектирање и лекување на тешкиот недостаток на витамин Д влијаат позитивно на заштитата на бубрежната функција кај релативно здравата популација.
