НЕКОИ СЕ МНОГУ ЧЕСТИ, А НЕКОИ ЌЕ ВЕ ИЗНЕНАДАТ: Осум најчести причини за заматен вид

Понекогаш проблемите со видот може да се јават бидејќи сте уморни по целодневно гледање во екран, но понекогаш се последица на состојби како хипертензија и дијабетес.

Понекогаш проблемите со видот може да се јават бидејќи сте уморни од целодневно гледање во екран, но понекогаш се последица на состојби како хипертензија и дијабетес.

Доколку ве интересира кои се јачестите причини за заматаен вид, ви откриваме во продолжение на текстот.

РЕФРАКЦИСКА ГРЕШКА

Рефракциската грешка е грешка во фокусирањето на светлината и е честа причина за намалена визуелна острина на окото. Астигматизмот е една од овие грешки, а се работи за ситуација во која искривувањето на окото ја држи светлината подалеку од зеницата. Овде можат да помогнат очилат или контактните леќи кои ќе ја поправат грешката. Ласерски операции на очите се исто така опција.

ГЛАУКОМ

Глаукомот е болест на пропаѓање на видниот нерв, најчесто поврзано со зголемен очен притисок, а може да доведе до стеснување на видното поле и последично до трајно губење на видот, т.е. слепило. Оваа болест е изразено опасна бидејќи е безболна и пациентите не забележуваат никакви пречки додека за жал не биде доцна и неповратно не се оштети видот. Затоа, важно е да се оди на редовни офталмолошки прегледи од четириесетгодишна возраст, со цел рано откривање на глауком.

СЕНИЛНА МАКУЛАРНА ДЕГЕНЕРАЦИЈА

Макуларна дегенерација е променета состојба на жолтата пега (макула) како последица на дегенеративни промени предизвикани од стареењето. Во развиените земји во светот, сенилната макуларна дегенерација е најчеста причина за легално слепило. Последица на макуларна дегенерација е нарушување на централниот вид.

КАТАРАКТА

Катаракта или “перде“ е заматување на очната леќа. Се јавува постепено, поради нарушување во структурата и пигментацијата на леќата, најчесто во повозрасни години (сенилна катаракта). Појавата на заматеност во очната леќа (катаракта) постепено доведува до намалување на визуелната острина, промени во перцепцијата на боите. Не е можно да се третира катаракта со капки или витамински таблети, како што некои се обидуваат. Единствениот метод за лекување на катаракта е оперативниот метод.

СУВОСТ НА ОКОТО

Сувото око е еден од најчестите проблеми поради кои луѓето се обраќаат кај офталмолог. Овој проблем е почест во студените, зимски месеци кога наидуваме на нагли промени во температурата (на пример, кога влегуваме во загреана просторија, а надвор е студено). Симптомите на суво око може да вклучуваат болка, заматен вид, чувство на гребење во окото, што многумина го опишуваат како чувство како песок да им влегол во очите. Обидете се со вештачки солзи или топли облоги за да помогнете во лачењето на солзи ако имате класични симптоми на суво око. Хроничната сувост на очите бара лекарски преглед.

БРЕМЕНОСТ

Ако бебето е на пат, немојте да се изненадите ако забележите дека видот ви е заматен, сето тоа благодарение на промената на хормоните што може да влијае на вашата визуелна острина. Може да се појави и суво око, што може да влијае и на видот.

ДИЈАБЕТСКА РЕТИНОПАТИЈА

Дијабетичната ретинопатија е четврта водечка причина за легално слепило во развиените земји во светот. Станува збор за промени во мрежницата на окото (ретина) кои се последица на дијабетес, односно делувањето на зголемениот шеќер во крвта на крвните садови на мрежницата. Заматен вид може да биде еден од симптомите.

КАРДИОВАСКУЛАРНИ БОЛЕСТИ

Некој кој страда од висок крвен притисок или хипертензија може да има проблеми со заматен вид или дури и губење на видот како резултат на оштетување на крвните садови во окото. Заматен вид може да се појави и кај лице кое доживеало мозочен удар. Секако, потребна е лекарска контрола и помош.