Времето полека почнува да се разубавува, а и сонцето веќе почнуваме да го гледаме се почесто. Еве неколку добри причини да поминете малку повеќе време на сонце:
Поубаво ќе ви почне денот
Ако можете да си дозволите луксуз и да се разбудите „природно“ (без аларм), сончевата светлина ќе ви ја разбуди енергијата и ќе ви го поправи расположението, затоа што ќе се „исклучи“ мелатонинот кој не заспива. Навечер пред да заспиете не ги спуштајте ролетните.
Добро е за кожата
„Кај личностите кои имаат проблем со акни, екцеми или псоријаза се забележува значително подобрување на состојбата после умерено изложување на сонце“, вели доктор Рос Пери и додава: „Само водете сметка да не претерате за да не изгорете, се разбира.“
Ќе бидете посреќни
Не е случајност тоа што подобро се чувствувавме кога е убав денот. Сонцето го поттикнува лачењето на серотонин, кој е „заслужен“ за чувството на среќа и добро расположение. Низа студии покажале дека умереното изложување на сонце може да ги ублажи дури и симптомите на депресија, особено кај личности кои покрај тоа патат и од недостаток на витамин Д.
Позитивно влијае на плодноста
Поголема е веројатноста да забремените во текот на летото. Жените кои имаат повисоко ниво на витамин Д, кој се создава во телото кога сме изложени на природна светлина и сончеви зраци, полесно забременуваат.
Помага да останете витки
Доволно витамин Д значи и помалку масни наслаги.
Добро е за срцето
Помалку луѓе умираат од болести на срцето и крвните садови во текот на летото отолку на зима. Истражувањата спроведени во Универзитетската болница во Копенхаген покажале дека личностите кои имаат дефицит на витамин Д имаат за 81 отсто поголем ризик од болести на срцето од оние кои имаат нормално ниво на овој витамин во крвта. Умереното исложување на сонце го намалува ризикот од срцев и мозочен удар затоа што го намалува нивото на крвен притисок, покажале истражувањата.
Штити од деменција
Истражувањата покажале дека „сончевиот витамин“ помага во превенција од Алцхајмерова болест и деменција. Личностите со повисоко ниво на витамин Д подобро „поминуваат“ на тестовите за памтење и когнитивни перформанси.
Штити и од рак (се разбира, умереното изложување на сонце)
Витаминот Д го забавува развојот и прогресијата на одредени типови рак, покажале студиите. А личностите кои имаат високо ниво на овој витамин во крвта се со под 20 отсто понизок ризик од појава на рак генерално.
Го буди либидото
Едно француско истражување покажало дека е поголема веројатноста флертувањето да заврши со „позитивен исход“ ако денот е убав и сончев. Освен тоа и тестостеронот го достигнува својот максимум во август, а паѓа во зимските месеци, на најниско ниво, пак, е во март, покажала студија спроведена во Австрија.
Ќе имате посилни коски
Погодувате, заради витаминот Д кој заедно со калциумот, магнезиумот, витаминот К и фосфорот е од клучна важност за здравјето на коските. За да имаме силни, здрави коски и скелет, потребна е синергија на витаминот Д и калциумот. А за да имате доволно витамин Д, ќе морате малку и да се исончате.
Ќе живеете подолго
Шведско истражување кое следело 30 000 жени во период од 20 години покажало дека оние кои генерално времето го поминувале на сонце живееле подолго од оние кои биле во „сенка“.
Ги ублажува болките
Сонцето не опушта, што значи и ја ублажува мускулната тензија и не ослободува од напнатост. Ова помага во ублажувањето на болките кај личностите кои патат од хронични воспалителни процеси, како што е да речеме артритисот.
Добро е за забите
Истражување спроведено во Норвешка покажало дека има поврзаност меѓу губењето на забите како последица на болестите на непцата и изложеноста на сонце. На југот на Норвешка од таа причина без заби останале 11 отсто од возрасната популација, додека на север тој процент изнесува цели 66 отсто.
