Ненаспаноста предизвикува бес и лутина

Иако е логично да сме нервозни кога нема да се наспиеме, научниците дебатираат за тоа дали недоволното спиење е навистина виновник за чувството на бес  или всушност бесот го попречува циклусот на спиење.

Зошто некои денови се будиме со силен порив некому да се издереме?  Според студијата објавена во Journal of Experimental Psychology се се сведува на ненаспиеноста. Иако е логично да сме нервозни кога нема да се наспиеме, научниците дебатираат за тоа дали недоволното спиење е навистина виновник за чувството на бес  или всушност бесот го попречува циклусот на спиење.

За таа цел, научниците регритирале група испитаници и ги поделиле во две групи. Едната група продолжила да спие на вообичаениот начин, а на втората сон и бил ограничен сон на два до четири часа во тек на две ноќи. Првата група спиела во просек седум часа, додека просекот во втората група бил околу четири часа.  За да го рангираат бесот, испитаниците по спиењето во лабораторијата биле изложени на различни иритирачки звуци, од капење на вода, до силна бука.

Според Златан Крижан, професор по психологија на Универзитетот Ајова и автор на студијата, овие непријатни звуци може да предизвикаат бес, што и се случило кај втората група која била ненаспана.

“Генерално бесот беше поголем кај оние кои не спиеа доволно. Го менувавме интензитетот на бучавост и како што очекувавме, лицата пријавуваа повеќе лутина и бес како звуците стануваа понепријатни, а откако им беше ограничен и сонот, бесот и лутина беа екстремни, без разлика на количината на бучавост“, објаснува проф. Крижан.