НЕОДАМНА СТЕ ИМАЛЕ КОВИД? Еве колку долго сте заштитени од повторна инфекција

КОВИД-19 и понатаму претставува голем ризик по здравјето, а експертите откриваат колку се агресивни новите варијанти на вирусот.

Досега се појавија различни варијанти на вирусот, а експертите предупредуваат дека стекнатиот имунитет од претходни инфекции може да делува како заштита од нова зараза некое време. Но, бидејќи се работи за пораст на бројот на пациенти, сега се среќаваме со нови, поинвазивни соеви за нашиот имунитет, исклучително заразни омикрон варијанти.

Експертот за заразни болести (UC Berkley) д-р Џон Сварцберг вели дека лице кое имало КОВИД пред 2 месеци треба да има доволно добар имунитет за да го заштити од инфекција денес. Тој наведува дека дури и да се заразиме, веројатно нема да дојде силни симптоми.

Имунологот д-р Надија Роан вели дека мали се шансите овие денови повторно да имате КОВИД, но не е невозможно.

“Последните подваријанти омикрон варијантата се многу добри во заобиколувањето на антителата стекнати што ги добивме преку вакцинација, претходна инфекција или и двете. Всушност, доминантниот вид BQ.1 може делумно да ги избегне антителата стекнати со инфекција BA.5 варијантата на вирусот. Моменталните подваријанти на вирусот се инвазивни“, наведува д-р Роан. Додава дека имунитетот во респираторниот систем е веројатно заштитен со месеци и се работи за силна заштита, но сепак не е гаранција дека сте заштитени од повторна инфекција.

Експертот за инфективни болести Питер Чин-Хонг додава дека е прашање дали ова големо зголемување на бројот на заболени во Кина ќе создаде и нови варијанти на вирусот, а ако тоа се случи, влијанието нема да го забележиме до почетокот на следната година, по сите празници.

КОЛКУ ТРАЕ ИМУНИТЕТОТ?

Експертите сметаат дека имунитетот против сериозни болести трае долго, но имунитетот против инфекции се чини дека е нешто пократок, но д-р Роан наведува дека тоа зависи од неколку фактори.

“Мислам дека е силен неколку месеци, но кај некои може да трае пократко, кај некои подолго“, додава. Д-р Чин-Хонг смета дека по опоравувањето од болеста, лицето треба да има силен имунитет кој ќе ги заштити до три месеци.

Неколку фактори кои можат да влијаат на повторната инфекција, велат експертите:

  • Колку време поминало од инфекцијата: Колку повеќе време поминало, толку сте поподложни на болеста.
  • Количината на вирусот со кој сте биле во контакт: Прашање е и колку е сериозна инфекцијата. Генерално, доколку се работи за посериозна форма на болеста, имунолошкиот одговор треба да биде посилен, наведува д-р Роан.
  • Која варијанта била во прашање и колку е штетна за имунитетот.
  • Дали сте биле вакцинирани и кога сте ја примиле последната вакцина. Д-р Роан наведува дека пробивната инфекција (случај на болест во која вакцинирано лице се заразува со болеста) може да резултира со посилен имунитет.
  • Ако сте постари од 65 години и имате здравствени проблеми или имате ослабен имунитет, што може да влијае на послаб имунолошки одговор на нова инфекција.