Во блескавата насмевка и забите потребно е да се вложува цел живот за што е потребна дисциплина и добри хигиенски навики. Но вашите заби секојдневно се среќаваат со непријатели како храната, пијалаците и секојдневните навики кои за кусо време можат да направат голема штета.
8 најголеми непријатели на забите:
Пирсинг
Многумина го сметаат за моден детаљ, но дали сте размислиле што металното топче во вашата уста може да им направи на забите? Усната шуплина не е предвидена за метални предмети, а секојдневното тропкање на украсот на јазикот по забите ја оштетува глеѓта и може да доведе до пукање на забите и тоа оние предните.
Бело вино
Повеќето веќе знаат дека црното вино предизвикува промена на бојата на забите и остава жолтеникави дамки, но белото вино може да биде многу поштетно. Белите суви вина се покисели и го оштетуваат површинскиот слој што може да резултира со трајна промена на бојата на забите.
Лимон
Иако лимонот е богат извор на минерали и витамин Ц содржи киселина која ја нагризува забната глеѓ што може да довесе до прекумерна чувствителност на забите на топлина и студ.
Џвакање коцки мраз
За разлика од лимонската киселина која ја нагризува глеѓта, со џвакањето мраз таа може и да испука. Сличен ефект има и чкрипењето со забите, кога тие буквално се трошат.
Спортски напитоци
Спортските напитоци после напорен тренинг можат да бидат освежувачки за телото, но и мошне опасни за забите. Содржат киселини кои предизвикуваат корозија на забите и поттикнуваат создавање на кариес.
Лекови
Плунката е заштитник на усната шуплина, а лековите како оние против депресија или зголемен крвен притисок содржат состојки кои ја исушуваат устата и го намалуваат производството на плунка, па со самото тоа можат да предизвикаат деформација на усната шуплина што, исто така, може да довесе до оштетувања на забите.
Вода од базен
Пливањето е мошне здрав спорт затоа што ја поттикнува работата на мускулите во целото тело, но проблемот не лежи во спортот, туку во водата од базенот која е полна со хемикалии. Токму мешавината на разно-разни додатоци кои го одржуваат квалитетот на водата предизвикуваат киселост на водата што може да предизвика оштетувања на глеѓта, односно забите.
Желудочна киселина
Киселината е најголем непријател на забите, а тоа се однесува и на желудочната. Таа исто како и лимонската може да биде кобна за забите.
