Менструалниот циклус кај секоја жена е поинаков. Меѓутоа дали сте знаеле дека некои секојдневни навики значително влијаат на нашето тело и можат да предизвикаат големи промени кои се одразуваат на нашата менструација?
Стрес
На доцнењето на менструацијата можат да влијаат трауматските настани како смрт или болест на блиска личност, прекин на врска, преселба или губење работа. Се се тоа ситуации кои нагло и значително го поткреваат нивото на стрес. Имено, стресот влијае на делот од мозокот наречен хипоталамус кој ги регулира хормоните во телото, меѓу останатато и менструалниот циклус, кој тогаш може да стане нередовен, а крвавењата пообилни или мошне слаби.
Патувања
Подолгите патувања особено оние на подалечни дестинации значително влијаат на телото. Несоница, умор и нервоза се само некои од симптомите на таканарешен џет лаг – краткотрајно пореметување предизвикано од патување низ различни временски зони. Таквите промени можат да влијаат и на менструалниот циклус кој може да стане пократок или подолг. Но не грижете се, менструацијата би требало да се нормализира после два до три циклуса.
Премалку сон
За нашето тело нормално да функционира потребен му е адекватен одмор и тоа во форма на сон. Од друга страна, премалку сон може да резултира со бројни негативни промени во организмот како пад на имунитетот, нервоза, умор, малаксаност, но да доведе и до пореметување на менструалниот циклус.
Докажано е дека на човековото тело му се потребни 7 до 9 часа сон и затоа е потребно да се сменат дневните рутини и да се направи обид на телото да му се пружи доволно време да се одмори.
