Нетретирањето на губењето на слухот носи когнитивно пропаѓање

Губењето на слухот поврзано со стареењето може да биде состојба која може да се измени и може да биде мета на секундарна превенција на когнитивното пропаѓање во староста, социјална депресија и немоќ.

Губењето на слухот поврзано со стареењето веќе долго е поврзано со когнитивното пропаѓање, но британска студија покажала дека слушните помагала може да помогнат во ублажување на ризикот во проблеми како пореметување на помнењето или други ментални функции.

Научниците испитале податоци од 7.385 возрасни лица постари од 50 години без дијагноза на деменција или други состојби поврзани со когнитивните проблеми и без слушни импланти или воспаление на уво. Вкупно 41 процент имале умерено губење на слухот, 10 проценти тешко губење на слухот и 11 проценти користеле слушни помагала.

Пациентите со благо до умерено губење на слухот, имале полоши резултати на проценката на способноста на помнењето во однос на пациентите со неоштетен слух. Истражувањето покажало дека тоа се однесува само на пациентите кои не користеле слушни помагала.

„Нетретирањето на губењето на слухот резултира со социјална изолација која за возврат резултира со некористење на многу мозочни невронски мрежи„ вели авторот на студијата Гурлен Попли од Универзитетот Шефилд и додава дека тоа би можело да го објасни когнитивното пропаѓање.

Испитаниците опфатени во истражувањето кои користеле слушни помагала биле значајно поинакви од оние кои не користеле помагала, наведуваат научниците. Корисниците на слушни апарати почесто имале умерено до тешко губење на слухот. Почесто станувало збор за постари лица кои живееле сами и кои имале проблеми со висок крвен притисок, што се се ризици за когнитивно назадување.

Губењето на слухот поврзан со стареењето води и до широк распон на срцеви проблеми, бидејќи допира многу аспекти на животот, отежнувајќи им на луѓето да разговараат, да одржуваат нормален социјален живот и да ги следат лекарските упатства за здравствените проблеми.